-
Ağciyər Vərəminin Klinik Simptomları Hansılardır?
Vərəm yoluxucu xəstəlik olub, müxtəlif orqanlarda infeksiyaya səbəb ola bilər. Vərəmin ən çox rast gəlindiyi orqan ağciyərdir. Vərəm xəstəliyinin yayılması hava damcı yolu ilə olub , xəstə insanın asqırması, öskürməsi və ya tənəffüsü zamanı ətrafa yayılan hava damcılarının sağlam insanın tənəffüs yoluna düşməsi ilə yoluxur. Xüsusilə immuniteti zəif olan şəxslərdə aktiv xəstəlik törətmə riski daha yüksək olur.
Ağciyər Vərəminin Klinik Simptomları Hansılardır?
Öskürək
Ən çox görülən şikayət öskürək olub, 2 həftədən çox davam edən öskürəklərdə vərəm araşdırılmalıdır.
Öskürək daha çox bəlğəmli olub, quru öskürək halında da rast gəlinə bilər.
Hərarət
Adətən axşama yaxın yüksəlir və uzun müddətli subfebril temperatur (37.5 ə qədər) şəklində davam edir.
Qanhayxırma
Xüsusilə kavernoz vərəmdə rast gəlir, destruktiv vərəmlərin hamısında görülə bilər. Zədə görmüş ağciyər sahəsinə bağlı olaraq qanamanın miqdarı dəyişə bilir.
Sinədə Ağrı
Ağciyər vərəmində ağrı az hallarda rast gəlinir.Əsasən Plevra vərəmində görülə bilər.
Təngnəfəslik
Zədələnmiş ağciyər toxuması sahəsinə bağlı olaraq və artmış sekresiya hesabına yaranmış bronxospazmla əlaqəli yarana bilər.
Digər simptomlar:
Çəki itgisi, gecə tərləməsi
Ağciyər vərəminin müalicəsi
Vərəm effektiv müalicə ilə tam sağalan xəstəlikdir. Vaxtında müalicə olmadıqda zədələnmiş ağciyər sahəsi artır və geridönməz xəsarətlərə səbəb olur. Yuxarıda tərif edilən simptomlar olarsa dərhal həkimə müraciət edilməlidir.
* Bu səhifənin məzmunu yalnız məlumat məqsədi daşıyır. Diaqnoz və müalicə üçün həkiminizlə məsləhətləşin. Bu səhifənin məzmununa Liv Hospitalda tibbi sağlamlıq xidməti haqqında məlumat daxil deyil .
